यातायात भाडावृद्धि तत्कालका लागि लागू नहुने

by rn Thu Jun 12, 2008 2:51 pm NST

पेट्रोलियम पदार्थको मूल्यवृद्धिसँगै यातायात व्यवसायीले गरेको भाडावृद्धि तत्कालका लागि लागू नहुने भएको छ । हिजो यातायात व्यवस्था विभाग र नेपाल यातायात व्यवसायी राष्ट्रिय महासंघबीच भएको सहमति अनुसार केहि दिनमै सरकारले व्यवसायीहरुको राय अनुसार नयां भाडा तोक्ने भएको छ ।

यातायात व्यवस्था विभागका महानिर्देशक खगेन्द्रमणि पोखरेल शाखा अधिकृत जीवन सेढाईं र महासंघका वरिष्ठ उपाध्यक्ष ददिराम खरेल र उप-महासचिव डोलराज खनालबीच वार्ता भएको थियो । भाडा समायोजनका विषयमा सहमति नभएपनि छिट्टै अर्को बैठक बस्ने गरी वार्ता टुंगिएको छ । छलफलमा विभागले भाडा बढाउने व्यवसायीको निर्णयमा असहमति जनाएको थियो । तर व्यवसायीले घाटामा सेवा दिन नसक्ने अडान राखेपछि सहमति जुट्न नसकेको हो । महासंघले हिजोबाटै लागू हुनेगरि भाडा बढाएपछि सरकारले यातायात व्यवसायीलाई हिजै वार्तामा बोलाएर नयां भाडा दर लागु नगर्न भनेको हो ।