माथिल्लो कर्णाली आयोजना बन्न नदिने चेतावनी

by rn Thu Jun 12, 2008 2:50 pm NST

माथिल्लो कर्णाली आयोजनाबारे स्थानीय बासिन्दासँग सल्लाह नै नगरी भारतीय कम्पनीलाई संचालनको अनुमति दिएको भन्दै स्थानीय वासिन्दाले आयोजना बन्नै नदिने चेतावनी दिएका छन् । स्थानीय बासिन्दाले सल्लाह नगरी विदेशी कम्पनीलाई आयोजना दिनुले आफ्नो अपमान भएको बताएका छन् ।

उनीहरुले सरकारको यो कदमलाइ राष्ट्रघाती भनेका छन् । सरकारको निर्णयविरुद्ध संघर्ष गर्न उनीहरुले समिति पनि गठन गरेका छन् । माथिल्लो कर्णाली आयोजनाबाट ३ सय मेगावाट विद्युत् उत्पादन गर्न सकिने लक्ष्य लिइएको छ । आयोजना सफल पार्न ४८ करोड अमेरिकी डलर खर्च लाग्ने अनुमान गरिएको छ । आयोजनाको लागि दैलेखको लयाटिविन्दासैनीको रामागाडमा बाँध निर्माण गरिसकिएको छ । यो आयोजना सफल भएमा विद्युति आपूर्ति सहज हुने विश्वास गरिएको छ ।