तीन दिनभित्र नयाँ सरकार गठन गर्ने सहमति

by rajendra Thu Jun 12, 2008 12:11 pm NST

नेपाली कांग्रेसका सभापति प्रम गिरिजाप्रसाद कोइराला र नेकपा माओवादीका अध्यक्ष प्रचण्डबीच भएको छलफलबाट तीन दिन भित्र नयाँ सरकार गठन गर्ने सहमति बनेको छ । वर्तमान राजनैतिक अवस्थालाई निकास दिने उद्देश्यले कोइराला र प्रचण्डबीच अहिले बिहान प्रम निवास बालुवाटारमा भेटवार्ता भएको थियो ।

कोइराला र प्रचण्डबीचको भेट संविधान संशोधन, राष्ट्रपति चयन, शक्ति बांडफांडलगायतका विषयमा केन्द्रित थियो । दुइ नेताबीच शान्ति प्रक्रियालाई गन्तव्यमा पुर्‍याउने, सेना समायोजन लगायतका विषयमा पनि छलफल भएको थियो । छलफलमा गृहमन्त्री तथा नेपाली कांग्रेसका नेता कृष्णप्रसाद सिटौला र माओवादी नेता डा बाबुराम भट्टराइ पनि सहभागी रहेका थिए ।