ज्ञानेन्द्रले नारायणहिटी दरवार छाडे

by dinesh Wed Jun 11, 2008 8:54 pm NST

पूर्व राजा ज्ञानेन्द्र अहिले साँझ पौने नौ बजे नारायणहिटी दरवारको पश्चिम गेटबाट दरवार छाडी नागार्जुनमा सरेका छन् । उनी एक पत्रकार सम्मेलन मार्फत आफू नेपालमैं बसी सक्रिय रहने घोषणा गर्दै श्रीमती र अंगरक्षकसहित बा.१च ५६२४ नम्बरको कार चढेर बाहिरिएका हुन् ।

ज्ञानेन्द्र बाहिरिने क्रममा गेटमा उपस्थित भएका केही नागरिकहरुले पूर्व राजाका विरुद्धमा नारावाजी गरेका थिए । त्यस्तै केही राजावादीहरु भेला भएर राजतन्त्रको पक्षका नारावाजी गरेका थिए भने केहीको रुवावासी समेत चलेको थियो ।

ज्ञानेन्द्रले नारायणहिटी दरवार छाडेपनि उनकी आमा रत्न र हजुर आमा सरला भने नारायणहिटी मैं रहेका छन् ।