खोलियो - एउटा बन्द खाम

शिवप्रकाश

नखोलेरै रखिएको एउटा बन्द खाम थियो
भित्र केके थियो कुन्नी बाहिर मेरै नाम थियो ।

ललिजन रावलले चालिसको दशकमै लेखेका यी गजल सेर अहिले पनि सबैका ओठ ओठमा झुण्डिएका छन् । समयमै सचेत भई नेपाली गजल विधालाई पुनर्जागरण दिने ललिजन रावलको उत्कृष्ट गजलहरुको साचयन 'एउटा बन्द खाम' आज काठमाण्डौमा विमोचन गरियो ।

विवेकसिर्जनशील प्रकाशनबाट प्रकाशित तथा अनाम मण्डलीबाट आयोजित सो अनुष्ठानमा गजलकार रवि प्रााजलले कृति विमोचन गर्दै नेपाली गजलले आजको लोकपि्रयता हासिल गर्नुमा गजलकार रावलको ठूलो योगदान रहेको चर्चा गर्नु भयो । कृतिकार रावलले आफूले गजल यात्रा शुरु गर्दाको त्यो खडेरी र अहिलको बाढीबीच धेरै भिन्नता भेटेको बताउँदै अबका गजलकारहरु अझ सचेत भई यो विधालाई हाँकेर लैजानु पर्छ भन्नु भयो ।

विमोचित कृति र कृतिकार रावलको बारेमा श्रष्टाहरु राजेन्द्र थापा रमेश पौडेल देवी नेपाल प्रभाती किरण घनेन्द्र ओझा आदिले बोल्नु भएको थियो ।