यातायात व्यवसायीले यातायात ठप्प पार्ने चेतावनी

by raju Fri Feb 1, 2008 12:34 pm NST

आयल निगमले पेट्रोलियम पदार्थमा कृत्रिम अभाव सिर्जना गरेको भन्दै यातायात व्यवसायीले यातायात ठप्प पार्ने चेतावनी दिएका छन् । नेपाल यातायात व्यवसायी राष्ट्रिय महासंघ वाग्मती अंचल समितिले हिजो काठमाडौंमा पत्रकार सम्मेलन गरी वन्दको कार्यक्रम सार्वजनिक गरेको हो ।

सम्मेलनमा व्यवसायीले आगामी १८ र १९ गते प्रचारप्रसार गर्ने तथा २० गतेदेखि वाग्मती अंचलमा अनिश्चितकालका लागि यातायात वन्द गर्ने जनाएको छ । व्यवसायीहरुले सातदलको लोकतान्त्रिक सरकारलाई अन्धोको संज्ञा दिए । उनीहरुले उपभोक्ताप्रति संवेदनशील रहँदा रहँदै वाध्य भएर आन्दोलनमा उत्रिनुपरेको बताएका छन् । व्यवसायीले वित्तीय संस्थाको कर्जा समेत बुझाउन नसकेकाले आन्दोलनमा उत्रिनु परेको गुनासो गरेका छन् । व्यवसायीहरुले पेट्रोलीयम पदार्थको सहज विकि्रवितरण गुणस्तर परिक्षणका लागि वैज्ञानिक प्रणलीको व्यवस्था तथा विगतमा भएका संझौता कार्यान्वयन लगायत ७ बुँदे माग सरकारसमक्ष राखेका छन् ।