ज्ञानेन्द्रको वहिर्गमन आज

by dinesh Tue Jun 10, 2008 9:34 am NST

नारायणहिटी दरवार छाड्ने पन्ध्र दिनको म्याद सकिन एकदिन बाँकी रहँदा आज पूर्व राजा ज्ञानेन्द्रले अन्ततः दरवार छाड्ने भएका छन् । यस अघि हिजो गृहमन्त्री कृष्णप्रसाद सिटौला र संचारमन्त्री कृष्णबहादुर महरासहितको टोलीले नागार्जुन दरवारको अध्ययन भ्रमण गरेका थिए भने आज बिहानै सुरक्षा अधिकारीको टोलीले नार्गाजुन दरवारको सुरक्षास्थिति अवलोकन गरीसकेका छन् ।

पूर्वराजा ज्ञानेन्द्रले आजै श्रीपेच र राजदण्ड पनि बुझाउने भएका छन् । उता दरवारका कर्मचारीहरुले भने हिजो पूर्वराजा समक्ष आफूले पाइ आएका मोबाइल फोनको सिम कार्ड बुझाएका छन् । दरवारका कर्मचारीहरुलाई पूर्व राजा ज्ञानेन्द्र आफैले मोबाइलको सिम कार्ड दिएका थिए ।

(तश्विर - हिजो नागार्जुन दरवारको भ्रमणपछि संचारकरमीसँग कुराकानी गर्दै मन्त्री मन्त्रीतद्बय सिटैाला र महरा)