काशीनाथ तमोटलाई धर्मादित्य धर्माचार्य पुरस्कार

by rn Sat Jun 7, 2008 6:09 pm NST

यस वर्षको धर्मादित्य धर्माचार्य पुरस्कार सहप्राध्यापक काशीनाथ तमोटलाई प्रदान गरिएको छ । भाषासेवी धर्मादित्य धर्माचार्यको १०७ औं बर्षगाँठको उपलक्ष्यमा आज उनलाई एक कार्यक्रमबीच यो पुरस्कार प्रदान गरिएको हो ।

नेपालभाषाको साप्ताहिक पत्रिका देशय् मरुझ्याःमा नेवार समुदायको जीवित देवी कुमारीको बारेमा लेख लेखेवापत टमोटलाई पुरस्कार प्रदान गरिएको थियो । बर्षभरिमा नेपालभाषाको विभिन्न पत्रपत्रिकामा प्रकाशित लेख रचनाहरुमध्ये उत्कृष्ट लेख रचनालाई यो पुरस्कार दिने गरिन्छ ।

कार्यक्रममा भाषा साहित्य लिपि र संस्कृति उकास्न विभिन्न संघसंस्थामा आवद्ध भएर काम गरेका वौद्ध विद्धान फणिन्द्ररत्न वज्राचार्यलाई पनि सम्मान गरियो । मां भाय् पुचःले गरेको कार्यक्रममा नेवार समुदायवाट सभासद्मा चुनिनु भएका कवि बुद्ध सायमीलाई नेवार समुदायको आवाज संविधानमा समावेश गराउन सकियोस् भनि बधाई दिनुका साथै सम्मान गरियो ।

कार्यक्रममा संविधानसभाका सभासद् भिक्षु आनन्द स्थविरले धर्मादित्य धर्माचार्यको बारेमा प्रकाश पार्नुका साथै पुरस्कार बिजेतालाई बधाई समेत दिए ।