एमाले कार्यकर्तामाथि हमला

by rn Fri Jun 6, 2008 4:57 pm NST

गएराति रामेछापको खिम्तीमा नेकपा माओवादीको भातृसंगठन वाईसीएलका कार्यकर्ताले एमालेका कार्यकताहरुलाई कुटपिट गरि घाइते बनाइदिएका छन् । कुटपिटमा एमालेका चन्द्रबहादुर खड्का, बलराम कडरियालगायत सात जना एमाले कार्यकर्ता घाइते भएका थिए । घाइतेहरुलाइ काठमाडौंको मोडेल अस्पतालमा उपचार गराइरहेको छ ।

यसै क्रममा घाइते कार्यकर्ताको स्वास्थ्यस्थिति बुझेपछि नेकपा एमालेका महासचिव झलनाथ खनालले माओवादीको भातृसंगठन वाईसीएलका अराजक गतिविधि अविलम्ब रोक्न माओवादी नेतृत्वको ध्यानाकर्षण गराएका छन् । महासचिव खनालले अब पनि वाईसीएलले आफ्ना गतिविधि नसुधारे जनता सधैंभरी सहेर नबस्ने चेतावनी दिए । महासचिव खनालले माओवादीले अझै लोकतान्त्रिक पद्धतिमा बिश्वास गर्न नसकेको आरोप लगाए ।