काठमाडौंमा आदिवासी चलचित्र महोत्सव

by safalata Fri Jun 6, 2008 10:59 am NST

यस वर्षको नेपाल अन्तरराष्ट्रिय आदिवासी चलचित्र महोत्सव जुन ५ देखि काठमाडौंमा सुरु भएको छ । यस पटकको महोत्सवमा २३ स्वदेशी र २८ विदेशी गरी जम्मा ५१ वटा चलचित्र वृतचित्र र म्यूजिक भिडीयोहरु प्रदर्शन भइरहेका छन् ।

नेपालका आदिवासी चलचित्रको विकासका लागि सन् २००६ मा स्थापित इन्डिजिनस फिल्म आर्काइभ नामक संस्थाले गत वर्षदेखि यो महोत्सवको थालनी गरेको हो । आयोजक इन्डिजिनस फिल्म आर्काइभले जानकारी गराए अनुसार काठमाडौंको भृकुटीमण्डप र राष्ट्रिय सभागृहमा भइरहेको यस महोत्सव जुन ८ सम्म चल्नेछ ।