आज संविधानसभाको दोस्रो बैठक

by rajendra Thu Jun 5, 2008 11:13 am NST

आज संविधानसभाको दोस्रो बैठक बस्दैछ । आजको बैठक भने कुनै महत्वपूर्ण निर्णय भन्दा पनि औपचारिकतामा मात्र सीमित हुने देखिएको छ ।

राष्ट्रपति, प्रधानमन्त्री, सरकार गठन, संविधानसभा सभापति आदि विषयमा संविधानसभामा सहभागी प्रमुख तीन दलहरुबीच हिजो अबेरसम्म बसेको बैठकबाट पनि केही सहमति जुट्न नसकेपछि आजको बैठक औपचारिक बैठक मात्र बन्ने निश्चित बनेको हो । कुनै ठूलो निर्णय नहुने भएपनि आजको बैठकमा संविधानसभा संचालन समिति मस्यौदा विषयमा केही महत्वपूर्ण निर्णय हुने देखिन्छ ।