पूर्व राजा ज्ञानेन्द्रलाई नागार्जुन दरवार

by dinesh Wed Jun 4, 2008 6:01 pm NST

आज दिउँसो बसेको मन्त्रीपरिषदको बैठकले पूर्व राजा ज्ञानेन्द्रलाई बस्नको लागि नागार्जुन दरबार उपलब्ध गराउने निर्णय गरेको छ । आफ्नो व्यवस्था नहुन्जेलसम्म बासस्थान र सुरक्षाको माग गरेको सम्बन्धमा मंगलबार तीन दलबीच नागार्जुन दरबार केही समयका निम्ति उपलब्ध गराउने सहमति भएपछि मन्त्रिपरिषद्को बैठक बसी आज त्यसको औपचारिक निर्णय गरेको हो ।

यस निर्णय सम्बन्धमा केहीले विरोध गरेका थिए भने स्वास्थ्यमन्त्री गिरिराजमणि पोखरेलले निर्णयमा नोट अफ डिसेन्ट लेखेका थिए ।

मन्त्रीपरिषद निर्णय अनुसार पूर्व राजाले नागार्जुनको दरवार एरिया मात्र उपभोग गर्न पाउनेछन् बाँकी जंगल क्षेत्र भने नेपाल सरकारकै मातहतमा रहने छ । नागार्जुन दरवार नेपाल सरकारको नाममा केही समयअघि राष्ट्रियकरण गरिएको थियो ।