आजदेखि विद्यालय पठनपाठन सुचारु

by safalata Mon Jun 2, 2008 10:21 am NST

पाठ्यपुस्तक अभावका कारण बन्द भइरहेको विद्यालय पठनपाठन आजदेखि पुनः सुरु भएको छ । यस अघि आवश्यक पाठ्यपुस्तक अभावका कारण जेठ १३ देखि १५ दिनको लागि विद्यालय बन्द गर्ने सरकारले निर्णय गरेको थियो ।

जनक शिक्षा सामग्री केन्द्रले समयमा पाठ्यपुस्तक छपाई नगरेका कारण विद्यालय पठनपाठन ठप्प भएको थियो । केन्द्रले पाठ्यपुस्तक उपलव्ध गराउने भरपर्दो जानकारी दिएको कारण आजदेखि पठनपाठन सुरु गर्ने निर्णय गरेको जनाइएको छ ।

यसैबीच जनक शिक्षाले कक्षा ९ र १० को १८ वटा पुस्तक भारतमा छपाएको खुलासा भएको छ । यसरी भारतमा पुस्तक छपाउँदा प्रति पुस्तकमा २ रुपैयाका दरले कुल ३६ लाख रुपैया घाटा भएको बुझिएको छ ।