जापानमा नेपाली रोबोट

रविन राचलिका

सन् २००९ को नवांै सस्करणको एसिया प्यासिफिक क्षेत्रिय रोबोट प्रतियोगिता आउँदो अगस्टमा जापानको टोकियोमा हुदैंछ । यस प्र्रतियोगिताको मूल विषय 'जापानी ड्रममा संगै यात्रा गरौं' रहेको छ । यो विषय जापानमा हुने पुरानो बैवाहिक परम्परा सँग सम्बन्धित छ जसमा २ जना व्यक्तिले डोलीमा दुलही बोक्ने गर्दथे । प्रतियोगितामा भने दुई व्यक्ति र दुलहीको भुमिका रोबोटहरुले निभाउनु पर्नेछ । दुई वटा रोबोट एउटा स्वचालित र अर्को मानव नियन्त्रितले डोली जस्तो भारी बोक्नेछन् जसमा अर्को स्वचालित घुमन्ते रोबोट चढ्नेछ । उकालो ओरालो र अन्य अफ्ठ्याराहरुलाई पार गर्दै अन्तिममा पुगेपछि भारीबाट घुमन्ते रोबोट उत्रि अगाडि राखिएको ड्रम बजाउनेछ । जुन टिमले छोटो समयमा ड्रम बजाउन सक्षम हुन्छ सॊही टिम विजयी हुनेछ ।

बिक्रम अधिकारीको नेतृत्त्वमा टिम सदस्यहरु कपिल पुडासैनी र नवराज गुरुङ भाग लिन निकै उत्साहित भएका छन् । सम्पूर्ण तयारीहरु भइसकेका उनीहरुले जानकारी गराए । राबोटहरु जापान पठाउन केहि दिन अझै बाँकी रहेकाले प्रतियोगितामा उत्कृष्ट परिणाम ल्याउन उनीहरु पुल्चोक क्याम्पसमा अहोरात्र खटिरहेका छन् । छोटो समयमा गर्न सकिने सुधार कार्यहरुमा यतिबेला अथक रुपले लागि परेका छन् । पहिलेका रोबोहरु भन्दा अहिलेका रोबोटहरु बलियो परिष्कृट र जटिल भएकाले प्रतियोगितामा राम्रो प्रदर्शन गर्नेमा विश्वास पुल्चोक क्याम्पसका प्राध्यापक शशीधरराम जोशीले ब्यक्त गरे ।

साथै अन्य १० जना विद्यार्थीहरुको ११ महिनाको समुहगत कार्यबाट यी रोबोटहरु निर्माण भएको हो । टिमको संयोजक ई। रमेश चौधरी गरेका छ भने रोबोट निमार्णका अन्य हस्तीहरुमा दिपक गुरुङ प्रशान्त ज्ञवाली गिरेश सिह सरोज पौडेल सुमित श्रेष्ठ बिक्रान्त गौतम चन्द्र थापा र स्वरुप घोष रहेका छन् ।