दोस्रो पटक संविधानसभाको वैठक सारियो

by rn Wed May 28, 2008 4:09 pm NST

आज हुन गइरहेको संविधानसभाको पहिलो बैठक निर्धारित समयमा सुरु हुन सकेन । आज बिहान ११ बजे सुरु गर्ने भनिएको संविधानसभाको वैठक ४ घण्टा सारेर ३ बजे बस्ने भनिएतापनि सो समयमा पनि वैठक वस्न सकिएन । पुन ४:३० बजे सम्मका लागि सारिएको छ ।

सात दलको वैठकमा राष्ट्रपतिको अधिकारको बिषयमा विवाद भइ सहमति कायम हुन नसकेपछि संविधानसभाको वैठक दोस्रो पटक सारिएको हो । संविधानसभाको वैठकलाइ विशेष ध्यानमा राखी जिल्ला प्रशासनले राजधानीमा सुरक्षाब्यवस्था कडा पारिएको छ । विशेष गरेर राजदरवार आसपास र वैठक स्थल अन्तराष्ट्रिय सम्मेलन केन्द्र आसपास ब्यापक सुरक्षा अपनाइएको छ ।