गणतन्त्र घोषणाको दिन उत्साहपूर्वक मनाइँदै

by dinesh Wed May 28, 2008 8:55 am NST

संविधान सभाको पहिलो बैठक अर्थात राजतन्त्रको अन्त्य र गणतन्त्रको घोषणा कार्यान्वयन गर्ने भनिएको आजको दिन विभिन्न कार्यक्रमकासाथ बडो हर्षोल्लासपूर्ण रुपमा मनाइँदैछ । गणतन्त्र घोषणाको पूर्व सन्ध्यामा हिजो खुल्ला मञ्चमा सांस्कृतिक कार्यक्रमको आयोजना गरिएको थियो भने आज बिहानैदेखि नागरिक समाज लगायतद्वारा र्‍याली निकालिएका छन् ।

प्राप्त जानकारी अनुसार संविधानसभा बैठकपूर्व नेकपा एमालेले माइतीघर मण्डलादेखि नयाँ वानेश्वरसम्म स्वागत र्‍याली निकाल्ने भएको छ । त्यस्तै अन्य विभिन्न पार्टी जनजाति संगठन र नागरिक समाजले माइतीघर वानेश्वर आदि क्षेत्रमा सद्भावना धर्ना दिने कार्यक्रमहरु तय गरिएका छन् ।