जनादेशको सम्मान गर्नुपर्ने

by rn Sat May 24, 2008 3:09 pm NST

नेकपा माओवादीका नेता रामबहादुर थापा बादलले प्रधानमन्त्री गिरिजाप्रसाद कोइरालाले प्रधानमन्त्री पदबाट राजीनामा दिई जनादेशलाई सम्मान गर्नुपर्ने बताएका छन् । रिपोर्टस क्लवले आज गरेको सात्क्षात्कारमा नेता बादलले प्रधानमन्त्री कोइरालाले जनताको जनादेशको सम्मान नगरे लोकतान्त्रिक गणतन्त्रको पक्षमा नभएको स्पष्ट हुने दाबी गरेका थिए ।

संविधानसभा चुनावबाट नयाँ नेतृत्व चाहिने प्रष्ट भइसकेको दाबी गर्दै नेता बादलले यसलाई आत्मसात गर्नुको विकल्प नभएको बताए । संविधानसभाको चुनावमा पराजय भोगी सन्तुलन गुमाउन पुगेका तत्वहरुले मात्र वाइसीएल विगठनको कुरा गरिरहेको आरोप नेता बादलले लगाए । नेता बादलले नेपाली सेनालाई लोकतान्त्रिकरण गर्ने र वाइसीएललाई जनमुक्ति सेनामा व्यवसायीकरण गर्ने जानकारी दिएका थिए ।