अमेरिकामा सय नेपाली काम्दार बेपत्ता

by subhash Thu Jan 31, 2008 11:51 am NST

संयुक्त राज्य अमेरिकाको अलाबामास्थित एक डीभीडी कम्पनीमा कार्यरत लगभग एक सय नेपाली काम्दार एकाएक बेपत्ता भएका छन् । आफू बसीरहेको अपार्टमेन्टबाट त्यहाँका फर्निचर र भाँडाकुँडा सहित तिनीहरु बेपत्ता भएको भनी समाचार संस्था एपीले जनाएको छ ।

हन्टसभ्याली स्थित उक्त डिभीडी कम्पनीमा केही समयअगाडी मात्र १३५० जना विदेशी काम्दारहरुलाई रोजगारी दिइएको थियो । त्यसमध्ये नेपालीहरु पनि ठूलो संख्यामा रहेको थियो । यी नेपालीहरुको भीसा अवधि सकिएको हुन सक्ने र यही कारणले केही जानकारी विना भागेको हुन सक्ने आशंका गरिएको छ ।

अलाबामाको गृहमामिला सुरक्षा प्रवक्ता लाउरेन बेथ्युनले भने ती कामदारहरु यसरी एक्कासी बेपत्ता हुनु कुनै अर्थमा सुरक्षा संकट नभए पनि यो घटना महत्वपूर्ण रहेको बताएकी छिन् ।