माओवादी अध्यक्षलाई प्रधानमन्त्रीको आह्वान

by rn Sat May 24, 2008 3:07 pm NST

तीन दलको शनिवार बसेको बैठकमा प्रधानमन्त्री गिरिजाप्रसाद कोइरालाले नयाँ सरकार गठनका लागि माओवादी अध्यक्ष प्रचण्डलाई औपचारिक आह्वान गरेका छन् । बैठकमा प्रधानमन्त्री कोइरालाले माओवादीलाइ ठूलो दलको हैसियतले सरकार गठन गर्नका लागि सहमति जुटाउन पनि अनुरोध गरेका छन् । बैठकमा संविधान संशोधनका विषयमा समेत छलफल भएको थियो ।

संविधान संशोधनको विपक्षमा रहेको माओवादी नेतृत्व गणतन्त्र कार्यान्वयनका लागि संविधान संशोधन गर्न सहमत हुने शान्ति तथा पुनर्निमाण मन्त्री रामचन्द्र पौडेलले आशा व्यक्त गरे । पौडेलले तीन दलका नेताबीच २६ जना सभासद मनोनयन प्रकि्रयाका बिषयमा समेत छलफल भएको जानकारी दिए । बैठकमा तीन राजनीतिक दलबीच सरकार गठन गणतन्त्र घोषणाका बिषयमा सहमति भएको छ । बैठकमा तीनै दलका शीर्ष नेताहरु सहभागी हुनुहुन्थ्यो । बैठकपछि साचारकर्मीहरुसँग कुरा गर्दै शान्ति तथा पुनर्निर्माण मन्त्री रामचन्द्र पौडेलले राजनीतिक सहमति बनाएर सरकार गठनको प्रस्ताव लिएर आउन प्रचण्डलाई प्रधानमन्त्री गिरिजाप्रसाद कोइरालाले सरकार प्रमुखको हैसियतले आह्वान गर्नुभएको जानकारी दिए ।