संघीय लोकतान्त्रिक गणतन्त्र नेपालको नमूना संबिधान २०६५ तयार

by rn Sat May 24, 2008 2:12 pm NST

संघीय लोकतान्त्रिक गणतन्त्र नेपालको नमूना संविधान २०६५ तयार गरिएको छ । संघीय लोकतान्त्रिक नेपालको नमूना संविधानको मस्यौदा तयार गर्न १४ दिन अगाडीदेखि सुरु गरिएको तालिमको जेष्ठ १० गते शुक्रवार समापन गरियो ।

जातीय भेदवाव विरुद्ध राष्ट्रिय मञ्च एन कार्डको आयोजनामा १४ दिनसम्म संचालित तालिमले ५८ पृष्ठको नमूना संविधान तयार गरी पारित समेत गरियो । समापन समारोहमा प्रमुख अतिथि एवं मानवअधिकारवादी नेता पद्मरत्न तुलाधरले १४ दिने प्रयास स्वरुप तयार भएको नमूना संविधानको खाकालाइ गाउँगाउँमा पुगी सहभागी सभासदहरुले जागरण दवाव ल्याउनु पर्ने बताए । उनले गरिव अशिक्षित भनिने नेपालीले साहशपूर्वक संविधान बनाउने सम्मको फड्को मार्न सक्नुका साथै विशुद्ध स्तरवाट बनाउन सकेको नमूना संविधान वास्तविक संविधानसभाका सहभागी ६०१ जना सभासद्लाइ अध्ययन र प्रेरणाको विषय बन्ने दाबी समेत गरे ।

समापन समारोहमा संविधानसभाका सहभागी ६०१ जना सभासदले २ वर्षमा वनाइने संविधानमा नमूना संविधानका आवाजलाइ सम्मानका साथ उठाइदिन समेत माग गरिएको थियो । कार्यक्रममा नमूना संविधानसभाका सभाध्यक्षँ ज्योतिका रोकामगर सभापति मल्ल के सुन्दर नमूना संविधानसभासद् मोजाहिद अन्सारी लगायतले नमूना संविधानको बारेमा मन्तव्य राखेका थिए । सोहि कार्यक्रममा प्रमुख अतिथि तुलाधरले ११ केन्द्रबाट प्रतिनिधि गराइएका ८८ जना सभासद्हरुलाई आभार पत्र प्रदान गरेका थिए । भक्तपुरको खरिपाटीमा आयोजित १४ दिने तालिममा नयाँ नेपालको नयाँ संविधानमा के कस्ता विषयवस्तु समावेश गरेर संविधान वनाउने भन्ने बारे नमून संसद समेत वनाइ तालिम दिइएको थियो ।