बन्चरो हानेर बालकको हत्या

by rn Wed May 21, 2008 2:33 pm NST

सुनसरीको दुहवीमा दूध बेच्न हिंडेका एक बालकको हत्या भएपछि स्थिति नियन्त्रणबाहिर जान नदिन स्थानीय प्रशासनले कर्फ्यु आदेश जारी गरेको छ । पसलमा दूध लिएर गएका १३ वर्षिय मोहम्मत फैजु मियालाई चिया पसले टीकाराम प्रधानले बन्चरो हानेर हत्या गरेका थिए ।

बालकले दूधको किस्ता मागेपछि होटल सञ्चालक प्रधानले ३ पटक बन्चरोले हानेका थिए । हत्याको विरोधमा इलाका प्रहरी कार्यालय दुहवीमा मृतकका परिवार र स्थानियवासीले प्रर्दशन गरेका छन् । हत्यापछि प्रहरीले पक्राउ गरेका प्रधानलाई स्थानीयवासीले नै कार्वाही गर्न पाउनुपर्ने माग गरेपछि स्थानीय वासिन्दा र प्रहरीबीच झडप भएको छ । झडपपछि प्रहरीले १५ राउण्ड हवाइ फायर पनि गरेको छ । आक्रोसित समुहले इलाका प्रहरी कार्यालयको गाडी समेत तोडफोड गरेका छन् । प्रदर्शनकारीले प्रहरी चौकीमा पनि आक्रमण गरेका छन् । आक्रोसित स्थानीयबासीन्दाले इलाका प्रहरी कार्यलय दुहबीको कागजात र फर्निचर पनि जलाएका छन् ।

झडपपछि उत्पन्न तनावका कारण सुनसरीको दुहवी बजार बन्द भएको छ । दुहबीमा भएको तनावपछि कोशी राजमार्गअन्र्तगत दुहबी विराटनगर सडक खण्डको यातायात पनि अबरुद्ध भएको छ । बालकको शव जिल्ला अस्पताल ईनरुवामा राखिएको प्रहरीले जनाएको छ । प्रहरीले हत्यारा प्रधानलाई बचाउन मृतकको शव इनरुवा अस्पताल पुर् याएको स्थानीयवासीको आरोप छ ।