कटारीमा यातायात बन्द

by rn Sun May 18, 2008 3:21 pm NST

उदयपुरको कटारी बजारमा हिजो ट्रकको ठक्करबाट स्थानीय एक महिलाको मृत्यु भएपछि आक्रोसित स्थानियबासीले आज बिहानैदेखि कटारीमा यातायात बन्द गराएका छन् । ना १ ख ९३९७ नम्बरको ट्रकले ठक्कर दिंदा कटारी गाविस-५ सिम्लेकी चमरमाया दनुवारको मृत्यु भएको थियो ।

दुर्घटनापछि आक्रोसित स्थानियबासीले १० वटाभन्दा बढी यातायातका साधन तोडफोड समेत गरेका छन् । फरार भएका ट्रक चालकलाई पक्राउ गर्नुपर्ने पिडित परिवारलाई क्षतिपुर्ति दिनुपर्ने लगायतका माग राख्दै स्थानियबासीले मृतक दनुवारको लास दुर्घटना स्थलबाट उठाउन दिएको छईन् । मृतकको शव रातभर नै दुर्घटना स्थलमा रहेको थियो ।