पञ्चवीरसिंह पुरस्कार प्रदान

by rn Sat May 17, 2008 6:35 pm NST

बुद्ध संवत २५५० बर्षको पञ्चवीर सिंह पुरस्कार आज एक कार्यक्रमको आयोजना गरी लेखकद्धय सुनिता मानन्धर र शिशिर चित्रकारलाइ प्रदान गरियो । युवा वौद्ध समूहले आयोजना गरेको कार्यक्रमा प्रमुख अतिथि भन्ते कौण्डन्यले उत्कृष्ट लेखिका सुनिता मानन्धर र लेखक शिशिर चित्रकारलाइ पञ्चवीर सिंह पुरस्कार स्वरुप नगद रु ५ हजार र प्रमाणपत्र प्रदान गरेका थिए ।

नेपालभाषाको एक मात्र दैनिक पत्रिका सन्ध्या टाइम्समा बुद्ध धर्म सम्बन्धी छापिएको लेखरचना मध्ये उत्कृष्ट एक जना पुरुष र एक जना महिलाको लेख रचनालाइ सम्मान गर्दै पञ्चवीर सिंह पुरस्कार प्रदान गरिंदै आएको छ । दाता पञ्चवीर सिंह तुलाधरले स्थापना गरेको कोषबाट केही वर्ष देखि यो पुरस्कार प्रदान गरिदै आएको हो । कार्यक्रममा बर्षभरिमा सन्ध्या टाइम्स पत्रिकामा प्रकाशित बौद्ध धर्म सम्वन्त्री लेखरचनालाई संगालेर प्रकाशित गरेको पलेमिखा भाग २ पुस्तक पनि विमोचन गरियो । कार्यक्रममा उत्कृष्ट लेखका सम्वन्धमा गौतमवीर बज्राचार्य र अमिता ध्वाखाःले समालोचना गरेका थिए भने दाता पञ्चवीर सिंह तुलाधरले कोषको बारेमा जानकारी गराएका थिए ।