पूर्वाञ्चलमा यातायात खुल्यो

by rn Sat May 17, 2008 1:02 pm NST

शुक्रवार दिनभर यातायात व्यवसायी र श्रम तथा यातायात व्यवस्था अर्थ र गृह मन्त्रालयका अधीकारिबीच भएको सहमति अनुसार यातायात व्यवसायीले हिजो बेलुकीबाट आन्दोलनका सबै कार्यक्रम फिर्ता लिएका छन् । सरकारसँग विगतका सहमति कार्यान्वयन गर्ने सहमति भएपछि एक सातादेखि बन्द पूर्वाञ्चलको यातायात खुलेको हो ।

सरकारसँग २०६३ साल माघ ८ गते भएको सहमति कार्यान्वयन गर्ने पेट्रोलको दोहोरो मूल्य हटाउने सम्बन्धित मन्त्रालय तथा आयल निगमलाई निर्देशन दिने लगायत ७ बुँदे सहमति भएको छ ।

छुट्टै यातायात मन्त्रालय हुनपर्ने व्यवसायीहरुको मागबारे मन्त्रिपरिषद्को ध्यानाकर्षण गराउने सहमति भएको छ । त्यसैगरी दुर्घटना विमाको असीमित व्यवस्था वीमा कम्पनिले गर्नुपर्ने मागका लागि दीर्घकालीन नीति निर्माण गर्न अर्थ मन्त्रालयका सह-सचिव विमल वाग्लेको संयोजकत्वमा कार्यदल बनाउने र कार्यदलको सिफरिसको आधारमा विद्यमान कानुनी व्यवस्था पुनरावलेकन गरी उपयुक्त दीर्घकालीन नीति तय गर्ने सहमति भएको छ । संविधानसभामा सरकारले मनोनित गर्ने २६ जनामा यातायात व्यवसायीका तर्फबाट तीन जना सहभागी गराउन दलहरुको ध्यानाकर्षण गराउने सहमति पनि भएकॊ छ ।