रामहरी श्रेष्ठको हत्याको सर्वत्र निन्दा

by dinesh Sat May 17, 2008 10:20 am NST

नेकपा माओवादी कार्यकर्ताहरुद्धारा गरिएको व्यापारी रामहरी श्रेष्ठको हत्याको सर्वत्र निन्दा भएको छ । हत्याका विरुद्धमा हिजो कोटेश्वर र वानेश्वर क्षेत्र बन्द भयो भने आज पनि त्यस क्षेत्र अस्तव्यस्त अवस्थामा रहेको छ ।

कोटेश्वरका रेष्टुराँ व्यापारी रामहरी श्रेष्ठको हत्याको विरोधमा कोटेश्वरकै ज्ञानबहादुर श्रेष्ठको संयोजकत्वमा संघर्ष समिति गठन गरी विभिन्न विरोध कार्यक्रमहरु गर्ने तय भएको छ । यस अन्तर्गत आज प्रधानमन्त्री एवं नेपाली कांग्रेसका सभापति गिरिजाप्रसाद कोइराला र नेकपा माओवादीका अध्यक्ष प्रचण्डलाइ ज्ञापनपत्र बुझाउने भएका छन् ।

मृतक श्रेष्ठलाई गत वैशाख १५ गते घरबाट अपहरण गरिएको थियो भने गत वैशाख २८ गते चितवन माओवादी शिविरमा हत्या गरी त्रिशुली नदीमा बगाइएको थियो ।