विश्व बैंकद्धारा नेपाललाई पौने आठ करोड डलर अनुदान सहयोग गर्ने

by dinesh Thu May 8, 2008 1:02 pm NST

नेपालमा शान्ति स्थापना र स्वास्थ्य क्षेत्रका लागि विश्व बैंकले सात करोड सत्तरी लाख डलर (लगभग ५ अर्व नेपाली रुपैयाँ) अनुदान सहयोग गर्ने घोषणा गरेको छ । घोषित रकम मध्ये पाँच करोड डलर नेपालको शान्ति स्थापनाको लागि छुट्याइएको छ ।

शान्ति स्थापनाका लागि घॊषित पाँच करोड सहयोग रकम नेपालको जनयुद्धमा दिवंगत भएका १३,००० शहिद परिवार र संयुक्त राष्ट संघद्धारा पर्यवेक्षित क्याम्पमा काम गरेका २०,००० सेनाको राहतको लागि प्रदान गर्न लागेको हो । यस सहायता अन्तर्गत प्रत्येक मृतक परिवारले पन्ध्र सय अमेरिकी डलर र संयुक्त राष्ट संघद्धारा पर्यवेक्षित क्याम्पमा काम गरेका पूर्व लडाकूहरुले मासिक ४६ डलर भत्ता पाउने भएका छन् ।