नलिना बाहिरिन्

by safalata Sat May 3, 2008 12:59 pm NST

मधेसी जन अधिकार फोरमबाट संविधान सभा निर्वाचनका लागि समानुपातिक तर्फ उम्मेदवार बनेकी गायिका नलिना चित्रकार अन्ततः संविधानसभा सभासद बन्न नपाउने भएकी छिन् । यस अघि सभासद् बन्ने प्रायः पक्का पक्की भएको व्यापक हल्ला चले पनि हिजो फोरमले निर्वाचन आयोगमा बुझाएको समानुपातिक सभासद सूचीमा नलिनाको नाम निकालिएको छ ।

उम्मेदवार बनेपछि नलिना र उनका पति सञ्जीव मिश्र निर्वाचनको लागि व्यापक प्रचारप्रसारमा लागेका थिए । आफू सभासद बनेमा कलाकारका हकहितका लागि संविधानमा नै नयाँ व्यवस्थाको लागि पहल गर्ने उनले बताएकी थिइन् ।

त्यस्तै नेपाली कांग्रेसबाट समानुपातिकमा उम्मेदवार बनेका देउडा गायक नन्दकृष्ण जोशीलाई पनि विजयी सूचीमा पारेको छैन । लोकतान्त्रिक आन्दोलनमा उनले देउडा गाएर ख्याति कमाएका थिए ।