Welcome, Guest

भक्तपुरमा यौन पर्यटनको तयारी

द्धन्दको समयमा नेपालका ग्रामीण क्षेत्रका युवतीहरु भागेर सहरी क्षेत्रमा पलायन भएका थिए । यिनीहरु मध्ये केही भक्तपुरका सुर्यबिनायक डाँगाचा डेकोचा सल्लाघारी लिवाली कमलबिनायक ब्यासी नगरका भित्रीभाग र डेकोचामा बसेर यौन ब्यापार सग्लग्न हुने गरेका छन् । बाध्यताबस यस पेसा संग्लग्न भएकाहरु गाउँ फर्किने अबस्था अझै पनि छैन । सरकारले ल्याएको २०११ सालमा ल्याउने १० लाख पर्यटकहरु मध्ये केही आफ्नो ग्राहक बन्न कुरामा भक्तपुरका यौनकर्मी महिलाहरु ढुक्क छन् । उनीहरु मध्ये केहीले यहाँका केही ठुला होटेलहरुको सम्पर्कमा बिदेसी ग्राहक अहिले पनि पाइरहेको कुरा सुनाए ।

हालसम्म गैरकानुनी रुपमा रहेको यो ब्यबसायको बारेमा खुलेर बहस गर्न यहाँका पर्यटन ब्यबसायीहरु तयार छैनन् । नाम उल्लेख गर्न नचाहने एक पर्यटन ब्यबसायीका अनुसार भक्तपुरमा प्रचार गरिएको सास्कृतिक पर्यटनको स्कोप नसकिसकेकोले यौन पर्यटनलाई नै मुल उदेश्य लिए मात्र यहाँको पर्यटन उद्योग धान्न सकिने दाबी गरे ।

यहाँका पर्यटन ब्यबसायीहरुले भक्तपुरलाई नयाँ पदयात्रा गन्तब्य बनाउन खोजे पनि यहाँको प्रदुशित बाताबरणको कारण बाताबरणबिदहरुले असँम्भव हुने बताए । चारैतिर भट्टाले घेरिएको जिल्लामा पर्यापर्यटनको कुरा हाँसोको बिषय भएको छ । भट्टा ब्यबसाय आरालो लागे पछि पर्यटन ब्यबसायमा आएका ब्यक्तिहरु नै अहिले पर्यापर्यटनको मन्त्र जपेर बसेका छन् ।

यहाँका अधिकास यौनकर्मी बिगतमा माओबादीको कारण बिस्थापित भएका हुन । अव माओबादीले ल्याएको २०११ मा तिनीहरुले यौनकर्मी कै हैसियतमा बिदेसी ग्राहकलाई सेवा गर्न पाउने इच्छा राखेका छन् । माओबादी कार्यकर्ताहरुसंग उनीहरुले यस कुरा जानकारी गराइ यौन पेसालाई कानुनी गर्न माग गरेका छन् । पर्यटन उद्योगलाई देशको मुख्य उद्योग मानेका देशहरुमा यौन पेसालाई बैधानिकता दिइएको छ । नेपालका पर्यटन ब्यबसायीहरुले पनि २०११ सम्ममा यो पेसालाई बैधानिक नदिए यहाँ पर्यटन उद्योग नफस्टाउने दाबी गरेका छन् ।

भक्तपुरको भित्री क्षेत्रमा रात्री समय बिताउन पर्यटकहरुले रुचि नदेखाउदा यहाँ यौन पर्यटन बिकास गर्न बाधा रहेको पर्यटन ब्यबसायीहरु बताउछन् । हालसम्म त काठमाण्डौं बाटै यौनकर्मी झिकाइ यौनको लागि आउने पर्यटकहरु नगरकोटतिर जाने गरेका छन् । आगामी दिन नगरकोटले मात्र यौन पर्यटकहरु धान्न नसकिने भए पछि भने जिल्लाका कटुाजे सिपाडोल र नगरकोट हुदै मेलम्ची फुलचोकी धुलिखेल गोदावरी पनौती र साँखु जाने पदमार्गहरु साचालन गर्न तर्फ यहाँका पर्यटन ब्यबसायीहरु लागि परेका छन् । बाटोमा पर्ने क्षेत्रहरुमा यौन गन्तब्यहरुको निमार्ण गर्ने उनीहरुको लक्ष्य छ ।

- रविन राचलिका