आज अन्तर्राष्ट्रिय प्रेस स्वतन्त्रता दिवस

by dinesh Sat May 3, 2008 10:55 am NST

आज मे ३ तारिख । आजको दिनलार्इ अन्तर्राष्ट्रिय प्रेस स्वतन्तत्रा दिवसका रुपमा विश्वभर मनाउने गरिन्छ। सन् १९९३ मा संयुक्त राष्ट्र संघले प्रत्येक वर्ष आजकै दिनलाई अन्तर्राष्ट्रिय प्रेस स्वतन्तत्रा दिवसका रुपमा मनाउने घोषणा गरेको थियो ।

प्रेस स्वतन्त्रता दिवसको उपलक्ष्यमा सूचना तथा संचार मन्त्री कृष्णबहादुर महराले प्रेस स्वतन्त्रतालाई जनताको मौलिक अधिकारका रुपमा सधैं सम्मान गर्ने प्रतिबद्धता व्यक्त गरेका छन् ।

प्रेस स्वतन्त्रता दिवसकै उपलक्ष्यमा संयुक्त राष्ट्र संघका महासचिव बान की मुनले प्रेस शुभकामना दिँदै सूचना पाउने अधिकार बाँच्नका लागि पानी चाहिए जत्तिकै महत्वपूर्ण भएको बताएका छन् । विज्ञप्तिमा भनिएको छ - 'स्वतन्त्र, सुरक्षित र आत्मनिर्भर सञ्चारमाध्यम शान्ति र लोकतन्त्रको जग हो । ' वक्तव्यमा अगाडि भनिएको छ - 'सूचनाको निर्वाद प्रवाहले जनताले आफ्नो जीवन आफ्नै वशमा राख्न सक्ने छन् । जब राजनीतिक वा प्राविधिक कारण सूचना कुण्ठित हुन्छ, जनताको काम गर्ने क्षमतामै धक्का पुग्छ ।'