संविधानसभामा तेस्रो लिङ्गी पनि समावेश

by rajendra Sat May 3, 2008 9:55 am NST

संविधानसभामा तेस्रो लिङ्गी सभासद्को पनि सहभागीता रहने भएको छ । नेकपा संयुक्तले आफूले जितेको पाँच सिटमध्येबाट तेस्रो लिङ्गी सुनिलबाबु पन्तलाई समानुपातिक तर्फ सभासद्को रुपमा चयन गरेर पठाएको छ ।

सम्पन्न संविधानसभा निर्वाचनका लागि पन्त नेकपा संयुक्तबाट समानुपातिकतर्फ उम्मेदवार बनेका थिए भने यस पटक तेस्रो लिङ्गीहरु नेपालगञ्ज क्षेत्र नं ३ बाट राजव अली, सुनसरी क्षेत्र नं १ बाट दीपक राई, सुनसरी क्षेत्र नं २ बाट सुदनारायण चौधरी, सुनसरी क्षेत्र नं ६ बाट श्रवण चौधरी, रुपन्देही क्षेत्र नं ४ बाट शन्तबहादुर पुन, रुपन्देही क्षेत्र नं २ बाट रामकृष्ण गुरुङ, पोखरा क्षेत्र नं ४ बाट मीनबहादुर गुरुङ, सप्तरी क्षेत्र नं १ बाट इन्द्रनारायण लेखी थारु, विरगञ्ज क्षेत्र नं १ बाट विजय महतो कोइरी र स्याञ्जा क्षेत्र नं १ बाट रुद्रबहादुर थापाले उम्मेदवारी दिएका थिए । त्यस्तै दिलकुमारी पुन नेपाल विकास पार्टीबाट समानुपातिक उम्मेदवारी दिएका थिए ।

अन्य उम्मेदवारहरु निर्वाचनमा विजयी नबने पनि पन्तको सहभागीता संविधानसभामा उल्लेखनीय बन्ने भएको छ ।
पन्त समलिङ्गी हकहितका समर्पित संस्था ब्लु डायमण्ड सोसाइटीका संस्थापक हुन् ।