सुशिल कोइरालालाई सिरहामा कालोझण्डा

by raju Thu Jan 24, 2008 3:43 pm NST

संविधानसभा चुनावको प्रचारप्रसार र कार्यकर्ता भेलालाई सम्वोधन गर्न तराइ भ्रमणमा रहनुभएका नेपाली काँग्रेसका कार्यवाहक सभापति सुशिल कोइरालालाई सिरहामा कालोझण्डा देखाइएको छ ।
आज विहान ११ बजे सिरहाको जिल्ला विकास समिति कार्यालय पुग्दा कार्यबाहक सभापति कोइरालाई मधेशी जनअधिकार फोरम सद्भावना र तराइ मधेश लोकतान्त्रिक पार्टीका कार्यकर्ताले कालो झण्डा देखाएका हुन् ।

झण्डै ६० जनाले कालोझण्डा देखाउँदै नाराबाजी गरेको हाम्रा स्थानीय सहकर्मीले जनाएका छन् । कोइरालासँग काँग्रेसका नेता प्रकाशमानसिह र रामवरण यादव पनि सिरहा पुग्नुभएको थियो । यसअघि जलेश्वर र जनकपुरमा पनि कोइरालालाई कालो झण्डा देखाइएको थियो । यसैबीच जनकपुरको शिवचोकमा आज संयुक्त मधेशी मोर्चा र प्रहरीबीच झडप भएको छ । हिजो जनकपूरमा मोर्चाका कार्यकर्ताले काँग्रेसका कार्यबाहक सभापति कोइरालालाई कालोझण्डा देखाउने क्रममा प्रहरीले हस्तक्षेप गरेको थियो । प्रहरी हस्तक्षेपको विरोध गर्दै मोर्चाले आज जनकपूर बन्दको आह्वान गरेको थियो । बन्द गराउदै हिडेका कार्यकर्ता र प्रहरीबीच आज जनकपूरको शिवचोकमा झडप भएको हाम्रा स्थानीय सहकर्मीले जनाएका छन् ।