मजदुर : राष्ट्र निर्माणको प्रमुख संवाहक

by dinesh Thu May 1, 2008 10:28 am NST

आज विश्व मजदुर दिवश नेपालमा पनि विभिन्न कार्यक्रमका साथ मनाइँदैछ । यसै अवसरमा प्रम गिरिजाप्रसाद कोइरालाले शुभकामना सन्देश जारी गरेका छन्, जसमा भनिएको छ - मजदुर राष्ट्र निर्माणको प्रमुख संवाहक हुन् ।

प्रम कोइरालाले मुलुकमा भइरहेको वेरोजगारी अभाव गरिबी जस्ता समस्यामा सजग व संवेदनशील बन्नुपर्ने जाँगर दक्षता र क्षमताका साथ मजदुरहरु अगाडी बढ्नुपर्ने धारणा व्यक्त गरेका छन् ।

यसै गरी मजदुर दिवसका उपलक्ष्यमा श्रममन्त्री रमेश लेखकले एक वक्तव्य जारी गरी श्रमिकहरुको अधिकारको सुनिश्चितता सामाजिक सुरक्षाको प्रत्याभूति औद्योगिक सम्वन्धमा सुधार लगायतका मुद्दाहरुप्रति सरकार प्रतिबद्ध रहेको बताएको छ । मजदुर दिवसकै उपलक्ष्यमा नेपाली कांग्रेस नेकपा, एमाले लगायतका राजनैतिक दलहरु र विभिन्न श्रम संगठनहरुले वक्तव्य जारी गरी शुभकामना व्यक्त गरेका छन् ।

सन १८८६ मे १ मा अमेरिकाको सिकागो शहरमा मजदुरहरुले आठ घण्टा काम, आठ घण्टा आराम र आठ घण्टा मनोरञ्जनको माग राख्दै पहिलोपटक आन्दोलनमा उत्रिएको दिनको सम्झनामा आजको दिन मे १ - मजदुर दिवसका रुपमा मनाउने गरिन्छ ।