टेलिकमले ल्यायो एडिएसएल इन्टरनेट सेवा

by subhash Tue Apr 29, 2008 10:30 am NST

नेपाल टेलिकमले आजदेखि एडिएसएल इन्टरनेट सेवा शुरु गरेको छ । यस सेवाको शुरुवातसँगै अब नेपालमा सस्तो बोर्डब्याण्ड इन्टरनेट सेवा थालनी भएको छ ।

हाललाई काठमाडौं उपत्यकामा सेवा सुविधा सीमित गरिएको यस सेवा आगामी तीन वर्षभित्रमा मुलुकभर पुर् याउने लक्ष्य नेपाल टेलिकमले लिएको छ । हाल टेलिकमले एडिएसएल सेवा अन्तर्गत हाई स्पीडको इन्टरनेट सेवा प्रदान गर्दैछ भने यसमा छिट्टै भीपीएन, मल्टिकास्टिङ, भिडीयो कन्फरेन्सिङ, भिडियो अन डिमान्ड आदि सेवाहरु पनि थपिने जानकारी टेलिकमले दिएको छ ।

नेपाल दूरसंचार प्राधिकरणको अनुमति र सेवा शुल्क निर्धारण पछि शुरु भएको यस सेवामा १२८ केविपीएस स्पीड भएको इन्टरनेट सेवा शुल्क मासिक नौ सय र २५६ केविपिएस स्पीड भएको इन्टरनेट सेवा शुल्क मासिक १५ सय तोकिएको छ । स्मरणीय छ वल्र्डलिन्कले ८८ केविपीएस स्पीडको इन्टरनेट सेवाको लागि मासिक पाँच हजार र मर्कन्टाइलले १२८ केविपीएस स्पीडको सेवाको लागि साढे सात हजार मासिक शुल्क लिंदै आएको छ ।