चित्रकलामा नेपाली विश्व कीर्तिमान

by safalata Fri Apr 25, 2008 8:33 pm NST

नेपाली चित्रकार किरण मानन्धरले ११० मिटर लामो क्यानभासमा चित्र बनाई नयाँ कीर्तिमान कायम गरेका छन् । यस कीर्तिमान विश्वमै नौलो भएको दावी आयोजक संस्थाले गरेका छन् । उनले आज धरहरामा बसी उक्त चित्र बनाएका हुन् ।

आज बिहान सुर्योदयसँग शुरु गरिएको चित्र निर्माण कार्य दिउँसो ३।४५ मा सम्पन्न भएको थियो । 'अबको नेपाल' नाम दिइएको यस चित्रमा नयाँ नेपालको कल्पना उतारिएको बताइएको छ ।

चित्र निर्माणका क्रममा उक्त स्थानमा नाटक र संगीत पनि मंचन पनि गरिएको थियो । कार्यक्रम आरोहण र गुरुकुलद्वारा आयोजना गरिएको थियो ।