कसले सुन्ने मुकेशहरुको चित्कार ?

by safalata Thu Apr 24, 2008 11:40 am NST

जनताले शासनसत्ता आफ्नो हातमा लिएको दुई वर्ष पुगेको उपलक्ष्यमा दोस्रो लोकतन्त्र दिवस हर्षोल्लासका साथ मनाइयो । प्रभातफेरी, विभिन्न खेलकूद, प्रमको चियापान कार्यक्रमसाथै दिपावली सहित हिजोको दिन बित्यो । तर यस खुशी ल्याउने क्रममा शहिद भएका कतिपय परिवारजन र धेरै घाइतेहरु अझै पनि उपेक्षित अवस्थामै रहेका छन् ।

जन आन्दोलन २ का क्रममा घाइते भएका बनेपा विद्यासागर बोर्डिङ स्कूलमा अध्ययनरत १५ वर्षीय किशोर मुकेश कायस्थ अहिलेसम्म पनि अचेत अवस्थामैं छन् । जनआन्दोलनको क्रममा उनलाई २०६२ चैत २७ गते कन्चटमा गोली लागेको थियो । गोली लागेपछि बेहोश भएका उनलाई हालसम्म पनि होश आएको छैन । उनी आफ्नै सुरमा हाँस्ने र रुने मात्रै गरिरहन्छन् । जनआन्दोलनका क्रममा घाइते भइ उपेक्षित बनेका उनी मात्रै होइनन् । आखिर कसले सुन्ने हो यी मुकेशहरुका चित्कारर ? के यो सबै राजनैतिक दलहरुको दायित्व होइन र ?