आज लोकतन्त्र दिवश

by rajendra Wed Apr 23, 2008 9:37 am NST

आज वैशाख ११ गते दोस्रो लोकतन्त्र दिवस देशभर विभिन्न कार्यक्रम गरी भव्यरुपले मनाइँदैछ । आजभन्दा ठिक दुई वर्ष अघि आजको दिन शाही सत्ता ढलाएर जनताले सत्ता आफ्नो हातमा लिएका थिए ।

राजा ज्ञानेन्द्रको एकल शासन विरुद्ध भएको उन्नाइस दिनसम्मको लामो जनआन्दोलनपछि वि.सं. २०६३ वैशाख ११ गते राति ११ बजे ज्ञानेन्द्रबाट देशको कार्यकारी अधिकार जनतामा फिर्ता गरी प्रतिनिधिसभाको पुर्नस्थापना गरेका थिए ।

लोकतन्त्र दिवसको उपलक्ष्यमा आज नेपाली सैनिक मंच टुँडिखेलमा मुख्य समारोह हुँदैछ । सो कार्यक्रममा प्रम तथा लोकतन्त्र दिवस मूल समारोह समितिका अध्यक्ष गिरिजाप्रसाद कोइरालाले संवोधन गर्दैछन् ।

लोकतन्त्र दिवस भव्य रुपमा मनाउनको लागि नेपाल सरकारले आज सार्वजनिक विदाको घोषणा गरेको छ ।