कोरिया रोजगारीको भाषा परिक्षा फल प्रकाशित

by safalata Fri Apr 18, 2008 7:42 pm NST

रोजगारीका लागि कोरिया पठाउन गत चैत १६ र १७ गते नेपाल सरकार श्रम मन्त्रालयले लिएको भाषा परीक्षाको नतिजा आज प्रकाशित भएको छ । वैदेशिक राजगारीका लागि रोजगार अनुमति प्रणाली (इपीएस) अन्तर्गत भाषा परीक्षा दिएका ३१ हजार पाँच सय ४६ परिक्षार्थी मध्ये ६ हजार चार सय ८२ परीक्षार्थी उत्तीर्ण भएका छन् ।

उक्त परीक्षा व्यवस्थापनको जिम्मा लिएको त्रिभुवन विश्वविद्यालय, परीक्षा नियन्त्रणको कार्यालयका अनुसार ६० प्रतिशतसम्म प्राप्तांक आउनेलाईमात्र परीक्षामा उत्तीर्ण गरिएको छ ।

श्रम तथा रोजगार प्रवर्द्धन विभागका महानिर्देश्क केशरबहादुर बानियाँले आउने सोमबारदेखि नै स्वास्थ्य परीक्षणबाट थप प्रक्रिया अगाडि बढाइने जानकारी दिएका छन् । प्रक्रिया पूरा भएपछि कोरियाली सरकारले छानेका कामदार यसै महिनाभित्र कामका लागि कारिया जान पाउने भएका छन् ।