एमालेका सबै मन्त्रीहरुद्वारा राजीनामा

by rajendra Wed Apr 16, 2008 6:29 pm NST

नेकपा एमालेका सबै मन्त्रीहरुद्वारा आज प्रधानमन्त्री गिरिजाप्रसाद कोइरालासमक्ष राजीनामा प्रस्तुत गरेका छन् । संविधानसभा निर्वाचनमा अप्रत्याशित परिणाम आएपछि नेकपा एमाले वर्तमान सरकारमा नरहने पार्टी स्थायी कमिटीको निर्णय अनुसार सो राजीनामा पेश गरिएको हो ।

राजीनामा पेश गर्नुअघि आज बिहान परराष्ट्र मन्त्री सहाना प्रधानको सरकारी निवासमा एमालेका मन्त्रीहरुको बैठक बसेको थियो । बैठकपछि एमालेका तर्फबाट मन्त्री परिषदमा रहेका परराष्ट्र मन्त्री सहाना प्रधान, पर्यटन तथा नागरिक उड्डयन मन्त्री पृथ्वीसुबा गुरुङ, कृषि तथा सहकारी मन्त्री छविलाल विश्वकर्मा, सामान्य प्रशासन मन्त्री रामचन्द्र यादव, शिक्षा तथा खेलकूद मन्त्री प्रदीप नेपाल, राज्य मन्त्रीहरु मोहनिसंह राठोर र नागेन्द्रप्रसाद चौधरी गरी सात मन्त्रीहरुको हस्ताक्षर सहित प्रमसमक्ष राजीनामा बुझाइएको थियो ।

यस राजीनामा सम्बन्धमा प्रम गिरिजाप्रसाद कोइरालाले एमालेलाई पुनर्विचार गर्न आग्रह गरेका छन् ।