जनमोर्चा अध्यक्ष अमिक शेरचन विजयी

by rajendra Wed Apr 16, 2008 6:12 pm NST

जनमोर्चा नेपालका अध्यक्ष अमिक शेरचन संविधानसभा सदस्यका लागि चितवन क्षेत्र नं ५ बाट विजयी बनेका छन् । परिणाम अनुसार उनले १४३९७ मत प्राप्त गरेका छन् भने उनका निकटतम प्रतिद्वन्द्वी नेकपा एमालेका विजय सुवेदीले १००१२ मत प्राप्त गरेका छन् ।

त्यसैगरी नेपाली कांग्रेसका नारायण शर्मा पौडेलले ६८०५ मत र राप्रपाका विक्रम पाण्डेले ५६८९ मत प्राप्त गरेका छन् ।

गत चैत्र २८ गते विभिन्न दलबीच भएको तनावका कारण स्थगित भएको चितवन क्षेत्रनम्बर ५ को मेघौलीको १२ केन्द्रको मतदान हिजो सम्पन्न भएपछि आज विहानबाट मतगणना भएको हो ।