सातदलबीच गम्भीर विवाद

by raju Thu Jan 24, 2008 3:27 pm NST

स्थानीय निकाय गठन गर्ने प्रकि्रया र विधिका विषयमा सातदलबीच गम्भीर विवाद देखिएको छ । स्थानीय निकायको गठनको टुङगो लगाउन आज बस्ने भनिएको बैठक नेकपा एमालेका तर्फबाट प्रतिनिधि राजेन्द्र पाण्डे नगएपछि कार्यदलको बैठक बस्दै नबसी भोलिसम्मका लागि स्थगित भएको छ ।

सातदलको उच्चस्तरीय समन्वय समितिलाई सुझाव दिन गठन गरिएको कार्यदलमा स्थानीय निकाय गठनको प्रकि्रया र विधिका विषयमा विवाद देखिएको हो । तीन दिनअघि बसेको बैठकमा कार्यदलका संयोजनक एवं स्थानीय विकास मन्त्री देव गुरुङले सातदलको र संसदमा रहेका अन्य दलको प्रतिनिनिधि सहभागी गराएर स्थानीय निकाय संचालको प्रस्ताव गर्नु भएको थियो । तर नेकपा एमाले र नेपाल मजदुर किसान पार्टीले भने २०५४ सालमा भएको स्थानीय निकायको चुनावकै आधारमा स्थानीय निकाय गठन गर्नुपर्ने अडान राखेका थिए । सातदलबीच सहमति बन्न नसक्दा स्थानीय निकाय गठनको अन्यौल झन बढेको छ । तर कार्यदलका संयोजक देव गुरुङले भने भोलि बस्ने बैठकले यसको टुङगो लाउने दावी गर्नुभयो । सातदलको उच्च स्तरिय
समितिले स्थानीय निकाय गठनको टुङो लगाउन स्थानीय विकास मन्त्री देव गुरुङको संयोजकत्वमा कार्यदल गठन गरेको थियो ।