जेठ १८ नेपालमण्डल बन्द

by dinesh Sun May 31, 2009 1:13 am NST

नेपालमण्डललाई नेवार स्वायत्त राज्य घोषणा गर्नुपर्ने र काठमाडौं शहरी विकास विधयेकको खारेजीको माग गर्दै नेवाः स्वायत्त राज्य मंकाः संघर्ष समितिले जेठ १८ गते नेपालमण्डल बन्दको आव्हान गरेको छ । बन्दका लागि आयोजक संस्थाले प्रचार प्रसार ब्यापक गरेको छ भने आज काठमाडौंमा प्रचारात्मक जुलुस समेत निकालेको छ । जुलुसमा हजारौं जनसाधारणले ऐक्यबद्धता जनाएका थिए ।

स्मरणीय छ, काठमाडौं महानगरपालिकामा नेपालभाषा जनकपुर नगरपालिका र धनुषा जिविसमा मैथिली भाषालाई दिएको मान्यतालाई २०५६ सालमा सर्वोच्च अदालतले दिएको निषेधात्मक आदेश विरुद्ध जेठ १८ को दिनलाई नेपालमा विविध भाषाभाषीहरुले कालो दिनको रुपमा मनाउँदै आएका छन् ।