एमाले महासचिव माधवकुमार नेपाल पराजित

by dinesh Sat Apr 12, 2008 2:03 pm NST

एमाले महासचिव माधवकुमार नेपाल काठमाडौँ क्षेत्र न २ का नेकपा माओवादी उम्मेदवार झक्कुप्रसाद सुवेदीद्बाट पराजित भएका छन् । महासचिव नेपालको यस पराजयलाई हालसम्मको सबभन्दा अप्रत्याशित पराजय मान्न सकिन्छ ।

त्यस्तै पछिल्लो परिणाम अनुसार भक्तपुरका दुबै निर्वाचन क्षेत्रहरुमा नेपाल मजदुर किसान पार्टी विजय भएका छन् । भक्तपुर क्षेत्र नं १ मा नारायणमान विजुक्छे र क्षेत्र नं २ मा सुनिल प्रजापति विजय बनेका हुन् । भक्तपुर क्षेत्र नं १ मा नारायणमान विजुक्छेको जित सुनिश्चित थियो भने उपत्यकामा नेपाली कांग्रेसको गढ मानिएको क्षेत्र नं २ मा प्रथम पटक नेमकिपाले विजय हासिल गरेको छ ।