पाँच स्थानमा माओवादीको विजय

by dinesh Sat Apr 12, 2008 8:17 am NST

मतगणनाको पछिल्लो विवरण अनुसार नेकपा माओवादीले हालसम्म पाँच स्थानमा विजय हासिल गरेको छ । नेकपा एमाले दुई विजयसहित दोश्रो स्थानमा रेहेको छ भने नेपाली कांग्रेस एक विजयसहित तृतिय स्थानमा रहेको छ ।

परिणाम अनुसार नेकपा माओवादीका कृष्णबहादुर महरा दाङ क्षेत्र नं ३ बाट २०४९२ मतका साथ विजय भएका छन् । त्यसैगरी नेकपा माओवादीबाट विजय हुनेहरुमा ललितपुर क्षेत्र नं ३ बाट पम्फा भुसाल (१७७८९ मत), ललितपुर क्षेत्र नं २ बाट राजभाई महर्जन (१६९६९ मत), पाल्पा क्षेत्र नं २ बाट लीला सोमाइ (१२३१० मत) र मनाङबाट देव गुरुङ (१६५२ मत) रहेका छन् ।

एमालेबाट विजय हुनेहरुमा पाल्पा ३ बाट कुलप्रसाद (७८०० मत) र मुस्ताङबाट चन्द्रबहादुर गुरुङ (२५५६ मत) रहेका छन् । नेपाली कांग्रेसबाट विजय बनेका काठमाडौं क्षेत्र नं १ बाट प्रकाशमान सिंह (१४४१५ मत) हुन् ।