मुलुकभर मतदान

by dinesh Thu Apr 10, 2008 11:55 am NST

संविधानसभाका लागि आज चैत २८ गते विहान सात बजेदेखि नेपालभर मतदान भइरहेको छ । अहिले देशका विभिन्न मतदान केन्द्रहरुमा मतदाताहरुको लाम देखिएको छ ।

यस ऐतिहासिक निर्वाचनमा कुल १ करोड ७६ लाख ९ हजार ८ सय ९५ मतदातामध्ये ८८ लाख ८० हजार ३ सय ९१ पुरुष रहेका छन् भने ८७ लाख २९ हजार ५ सय ४ महिला मतदाता रहेका छन् ।

निर्वाचनमा समानुपातिक र प्रत्यक्ष सिटको लागि ५५ दलका ९ हजार ६ सय ४८ उम्मेद्वार प्रतिस्पर्धामा उत्रिएका छन् । तीमध्ये प्रत्यक्ष अन्तर्गतका २ सय ४० सिटका लागि ३ हजार ९ सय ४७ र समानुपातिक तर्फ ३ सय ३५ सिटका लागि ५ हजार ७ सय १ उम्मेद्वार रहेका छन् ।

निर्वाचनका लागि २ लाख ३४ हजार कर्मचारी खटिएका छन् भने २० हजार ८ सय ८२ मतदान केन्द्र निर्धारण गरिएका छन् ।