मायाको डोरीले बाँधे दीपकले सियाटललाई

by aakriti Fri Jun 17, 2011 12:11 pm NST

कार्यक्रम सुमधुर गीतसंगीतसहित अघि बढ्दै थियो । पप गायक दीपक वज्राचार्यले जव 'मायाको डोरीले ... ' गीतको थालनी गरे तव सम्पूर्ण दर्शकहरु आफू बसेको ठाउँबाट उठेर नाच्न बाध्य बने । मञ्च समीप पुगेका दर्शकहरु बाँकी कार्यक्रम अवधिभर नाच्दा पनि थाकेनन् ।

नेपाल सियाटल सोसाइटीको आयोजनामा शनिवार सियाटलमा सम्पन्न यम बराल र दीपक वज्राचार्यको कन्सर्ट त्यस इलाकामा नैं एक उत्कृष्ट नेपाली कार्यक्रम भनी दर्शकहरुले प्रशंसा गरे । उक्त कार्यक्रममा गायक द्वयले आफ्ना उत्कृष्ट गीतहरु प्रस्तुत गरी कार्यक्रमलाई अविस्मरणीय बनाएका थिए ।

नेपाल भ्रमण वर्ष २०११ का सौहाद‍्रदूत समेत रहेका दीपकले कार्यक्रममा सोसाइटीका सदस्यहरुलाई सम्मान पनि गरेका थिए ।