मस्जिदमा बम आक्रमण : दुइको मृत्यु, दुइ घाइते

by dinesh Sun Mar 30, 2008 1:31 pm NST

विराटनगर-७ को सरौचियास्थित छोटी मस्जिदमा शनिबार राति करिब ८ बजे भएको बम विस्फोटबाट दुइ जनाको मृत्यु भएको छ भने दुइ जना सख्त घाइते भएका छन्। नेपाल 'डिफेन्स आर्मी' ले विस्फोटको जिम्मेवारी लिएको छ।

उक्त बम आक्रमणबाट मृत्यु हुनेमा विराटनगर-७ का ३१ वर्षीय फिरोज खान र सोही वडाका ३७ वर्षीय परवेज इराकी रहेका छन्। विस्फोटनमा सख्त घाइते भएपछि उपचार्रार्थ अस्पताल लग्ने क्रममा बाटोमा उनीहरूको मृत्यु भएको थियो। घटनामा परी घाइते हुनेमा सोही वडाका ३२ वर्षीय फुर्से अन्सारी र विराटनगर-१४ का २३ वर्षीय मोहम्मद अन्सारी रहेका छन्।

प्रत्यक्षदर्शीका अनुसार मस्जिदभित्र नमाज पढिरहेका बेला मोटरसाइकलमा दुइ व्यक्तिले बम प्रहार गरेर भागेका थिए ।
तनाव कम गर्न घटनापछि मोरङ प्रशासनले घटनास्थल र आसपासका सीमित क्षेत्रमा साँझ ९ बजेदेखि अनिश्चितकालीन कर्फ्यू जारी गरेको छ ।