होलीको मेला : मूर्खहरुको भेला

by safalata Fri Mar 21, 2008 6:52 pm NST

होली पर्व मनोरंजनको पर्व हो । होलीको माहौलमा हाँस्य कवि सम्मेलन र मूर्खहरुको भेलाले यो पर्वको रन्को झन बढेको छ ।

मैथिल साहित्य परिषद्द्वारा वीरगन्जमामा यस पटक आयोजित महामूर्ख सम्मेलनमा ठाकुरराम बहुमुखी क्याम्पसका उपप्राध्यापक अवधेश कुमार झाले 'महामूर्ख शिरोमणि' पाए । लाला माधवेन्द्रजीलाई 'महामूर्ख ' र अनिल कर्णलाई 'पटमूर्ख ' को उपाधि दिइयो ।

मूर्ख सम्मेलनको सुरुवात भारतबाट भएको हो । होलीका अवसरमा भारतका विभिन्न � ाउँहरुमा यो सम्मेलन आयोजना गर्दै हाँस्य पर्वको रुपमा यो पर्व मनाउँदै आएको पाइन्छ । यता नेपालमा पनि मैथिली साहित्य परिषद्ले २०५१ देखि महामूर्ख सम्मेलनको आयोजना गर्न थालेको छ । यस सम्मेलनमा महामूर्ख, मूर्ख शिरोमणि, मूर्खाधिराज, मूर्खाधिपति, महामूर्ख र पटमूर्ख जस्ता सम्मान दिएर मनोरंजन गर्ने गरिन्छ ।

इटालीमा बोलियाकोनोन्स नामले फागु जस्तै पर्व मनाइन्छ भने चीनमा च्वेजका नामले १५ दिनसम्म होली मनाइन्छ । अमेरिकामा होबो नामले फागु पर्व मनाउने र हास्यात्मक भेषभूषा लगाई प्रतियोगिताको आयोजना गरी विजयीलाई पुरस्कृत गर्ने गरिन्छ । त्यस्तै जापान तथा इन्डोनेसियाको सुमात्रामा अन्नलाई नाचगानका साथ स्वागत गरेर मनाइन्छ भने इजिप्टमा हास्यविनोद नृत्य गीतद्वारा मनोराजन गरी मनाइन्छ । यता श्रीलङ्का इन्डोनेसियाको जाभामा आगोको पूजा म्यानमार थाइल्याण्डमा पानीको पूजा गरी भिक्षुलाई दान दिएर यो पर्व धूमधामले मनाउने गरिन्छ ।

यसरी विभिन्न � ाउँमा मनोरंजनको पर्वको रुपमा मनाउने होलीको मेलामा मूर्खहरुको भेलाले नयाँ रंग थपेको छ ।