चुनावमा राजाले भोट हाल्न नपाउने

by dinesh Wed Mar 19, 2008 11:39 am NST

आसन्न संविधानसभा चुनावमा निलम्वित राजा ज्ञानेन्द्रले भोट हाल्न नपाउने भएका छन् । मतदाता नामावलीमा उनको साथै उनको परिवार कसैको पनि नाम समावेश भएको छैन । राजा ज्ञानेन्द्रका विवाहित सुपुत्री प्रेरणा शाहका परिवारको नाम समेत मतदाता नामावलीमा नभएको बुझिएको छ ।

यस अघि राजपरिवारका कोही पनि सदस्यहरु कहिले पनि निर्वाचनमा सहभागी भएका थिएनन् । यस पाली साधारण नागरिकका रुपमा समेत राजपरिवार निर्वाचनमा सहभागी हुन नपाउने भएका छन् ।

निर्वाचन आयोगका अधिकृत विष्णु भुसालका अनुसार राजदरवार जनताको सहज पहुँचमा नभएकोले घरघरमा गई मतदाता नामावली रुजु गर्ने स्वयम्सेवकहरु राजदरवार जान सकेनन् । यसै कारण राजपरिकारका कोही पनि सदस्यको नाम मतदाता नामावलीमा नभएको उनको भनाई छ ।