चीर गाडेर सुरु गरियो होली पर्व

by rn Sat Mar 15, 2008 1:09 pm NST

फागु पूर्णिमा वा होली पर्वको आगमनको शुभसंकेत स्वरुप आज हनुमानढोका दरवार क्षेत्रमा विधिपूर्वक चीर गाडि होली पर्व सुरु गरियो । आज बिहान तिथि अनुसार चिल्लाथ्व अष्टमीका दिन हनुमान ढोकाको दक्षिणपट्टी बसन्तपुर ऐतिहासिक मोहनकाली चोक र दाखचोकमा ७:५३ को शुभ साइटमा चीर गाडियो ।

करिव २० फुट उचाइको बाँसका तीन खण्डे गजुर जस्तो देखिने रंगीचंगी ध्वजा सहितको चीर ठड्याएपछि हर्ष बढाईंका साथ अबिर छर्की पूजा गरिएको थियो । चीर ठड्याउन केन्द्रिय मानन्धर संघ अन्तर्गत ज्याठा र तँलाछि टोलका मानन्धरहरुको सनागु खलःका मानन्धर आएका थिए । चीर उठाएको हेर्न बसन्तपुर वरपर विदेशी तथा स्थानीयवासीको भीड लागेको थियो ।

आज सोहि साइतमा ललितपुर र भक्तपुरको दरवार क्षेत्रमा पनि विधिपूर्वक चीर गाडीएको छ । आजबाट उपत्यकामा एक हप्तासम्म होली पर्व मनाइन्छ ।