निर्वाचनका लागि दुई हप्ता शिक्षण संस्था बन्द हुने

by safalata Fri Mar 14, 2008 10:21 am NST

शिक्षा तथा खेलकूद मन्त्रालयले निर्वाचनका लागि दुई हप्ता विद्यालय बन्द गर्ने निर्णय गरेको छ जस अनुसार निर्वाचनका लागि आगामी चैत २० देखि वैशाख ३ सम्म विद्यालय बन्द रहने छन् ।

दुई हप्ता विद्यालय बन्द हुने भएपछि यस बिदालाई वार्षिक र हिउँदे विदासँग समायोजन गर्न र विद्यार्थीहरुको वार्षिक परिक्षा यस विदा अघि नै सम्पन्न गराउन मन्त्रालयले निर्देशन दिएको छ ।

निवार्चन केन्द्रका रुपमा विद्यालयलाई प्रयोग गर्न र शिक्षकहरुलाई निर्वाचन कार्यक्रममा सहभागी बनाउन विद्यालय बन्द गर्न लागेको जनाइएको छ ।